ભારતમાં અશ્લીલતા પીરસતા પાંચ ડિજિટલ પ્લેટફોર્મ પર પ્રતિબંધ

ભારત સરકારે ડિજિટલ મીડિયા અને મનોરંજનના નામે અશ્લીલતા ફેલાવતા માધ્યમો સામે આકરું વલણ અપનાવ્યું છે. ઓનલાઇન કન્ટેન્ટની મર્યાદા ઓળંગતા પ્લેટફોર્મ્સ પર લગામ કસવા માટે માહિતી અને પ્રસારણ મંત્રાલયે એક મોટું પગલું ભર્યું છે. લાંબા સમયથી મળી રહેલી ફરિયાદો અને આંતરિક તપાસ પછી, સામાજિક મર્યાદાઓનું ઉલ્લંઘન કરનારા પાંચ મોટા ડિજિટલ પ્લેટફોર્મ્સ પર તાત્કાલિક અસરથી પ્રતિબંધ લાદવામાં આવ્યો હતો.